Pete’s synnejysk kronik # 4
”Det æ så kønt det æ så dejle”
Ja, den gammel SYNNEJYSK sang ka vi jo syng i æ SP, ætte det valg. Vi hæ i den forløben valgkamp, å i vosses generel strategi taun den synnejysk dimension mæ i vosses program. Vi tøs at den landsdel vi komme fra, bye å så møje, å så manne kulturel værdie som ska lev, å it bare vee en afdeling i vosses musee elle et kapitel af en regional historie vi see lukket. Vi vil i SP stadig byg å en aktiv, å et regionalt selvværd mæ æ udgangspunkt i vosses fælles hjemstaun. Å det æ no engang Synnejylland/Nordslesvig. Æ vee at manne hæ følt sæ tetrukken a SP’s markante udmelding for SYNNEJYLLAND å hæ stemt å SP.
Vi vil lev op te vosses valgløfte å vi hæ fåt et stækt mandat å æ respresenteje i olle 4 kommune ætte det valg. Vi æ godt å æ vej de næste 4 år og vi seje tak te æ vælgeropbakning, å gleje vos te å styrke SYNNEJYLLANDs sammenhold.
En stem å Slevsvigsk Parti er en stem å Synnejyllands fremtid, den arbe vi få!
TAK få æ valg!
Pete’s synnejysk kronik # 3
Kommunal- elle præsidenvalg?Det æ jo påfaldende i den valgkamp vi hæ for tiden, at æ fokus æ utrole rettet mo æ topfigure i de to stoe patie Venstre å æ Socialdemokrate, å det æ faktisk det sam i ålle kommune. Æ medie puste det endnu mæ’e op mæ opunionsundesøgelse. Fint mæ det, men det æ jo en forsamling af 31 repræsentante vi ska vælg. Å det æ jo å et pa anne partie mæ i æ kappestrid om æ kommunalbestyrelses plasse en de to stoe. Vi tøs, det æ vigte te æ samarbejde i æ byrå fungere. Det gø det faktisk bedst, nå det å æ naun små partie i æ midt, som ka sty’e de stoe å få dem lidt ne’e å æ jo’e. Det æ faktisk så enkelt.
Æ tøs, vi ska sats å oh å få et så bredt udsnit a den bred befolkning i æ byrå, patié hvo de centrale politisk udfordringe stæ i æ centrum - istedfå en præsidentkåring.
Vi ha en lang kandidatlist, som represente’e et bret udsnit a ol synnejyde å som gern vil repræsente’e dæ.
Defå stem å Slevsvigsk Parti, vi ste for samarbejde!
.gif)
.gif){kind=small}
